هذة تعليقات اخذتها ونقلتها لكم عن شخص وقد وجدتها على احدى الصفحات على الفيس بوك .. ولكنه حكى فيها كلاما غريبا وقص علينا حكايات جديدة واسرد الينا اسرارا خطيرة .. وكان كل ذلك فى سياق جدلا ونقاشا دائر على احدى منشورات هذة الصفحة.
واليكم هذة التعليقات عن طريق عملية :-copy & past
Memo Mohamed ممكن تسأل اللى كان فى الميدان ليه يومها الناس اللى دخلت التحرير بيافط استقرار ضربوهم بالطوب والموضوع ده حصل يوم الاربعاء من الساعه 11 تقريبا وقبل موضوع الجمال ليه كل واحد راح المدان بيافطه فيها كلام رفضينوا ضربوهم واللى ماتوا باره كانوا خمسه واللى كان بيمسكوا ويدخل وسطيهم محدش بيعرف بيحصلوا ايه واسألوا ايه حكايه اللى كان بيرقص على الدبابه وماسك فالنه غرقانه دم وطريقه رقصه مش مصرى واسألوا ايه حكايه اللبنانى اللى اتمسك من واحد يوم الخميس 6 الصبح والمصرى اللى مسكه اللبنانى ضربه بمطوه والايرانيين اللى كانوا فى الميدان كانوا قعدين مع مين؟؟؟؟؟؟؟؟؟ اسأله كتيره جدا وحاجات كتيرة اتشافت بالعين ونفسى اعرف اجابتها
Memo Mohamed طب ازاى عايزين ديمقراطيه ولما يدخل حد معارض تضربوا؟؟؟؟؟؟؟؟ ولا الميدان كان بتاعكم انتم وبس؟؟؟ واذا كنت فى الميدان وشوفت اللى بقوله بعينك وفضلت موجود اسمحلى انت اشتركت بجريمه من وجهت نظرى لانى مفيش مبرر يخلينى كمصريه اقبل وجود اجانب فى الميدان ويكلموا باسمى ويطالبوا باسمى ومش بس كده كمان يموتوا مصريين وللاسباب دى واكتر منها محستش باى فرح لاى نتيجه حصلت لان اذا كانت الثورة انتصار فهى انتصار مشوه ومشبوه وميشرفنيش
Memo Mohamed واللى كانوا على كوبرى 6 اكتوبر كانوا بيضربوا ليه وايه الجباروت ده احتلال عمارة وطلوعها بسلالم زى الصاعقه واستخدام السطح موقع استراتيجى عشان الطوب يوصل للى فوق الكوبرى ولا خطه الدفاع والهجوم واستخدام الالواح المعدنيه والاشارات كل ده كان ليه وليه انا يضحك عليا ويتقلى مظاهرات رفض اللى حصل لسيد بلال ومطالبه بشيل العادلى والغاء قانون الطوارى وبعدها الاقى طلابات تانيه ليه ؟؟؟؟ ليه استغلال هموم الناس ومتاعبهم ووهمهم ان حياتهم هتتغير وبعد كده تطلع ثورة كل مطالبها سياسيه ليه ؟؟؟؟؟ ليه امشى ابكى فى الشارع على الدمار والخراب وقفل محلات اكل العيش بوسط البلد ليه؟؟؟؟؟ حاجات كتيرة وعلى فكرة انا مع المظاهرات الصح والحياة الافضل بس بطرق صح وسياسه مش شغل همج ولوى دراع
بقلم
مجموعة من شباب مصري يحاول فهم الحقيقة وتوصيلها لمن يريد خير لهذا البلد
0 comments:
إرسال تعليق
جميع الردود تعبّر عن رأي كاتبيها فقط. حريّة النقد والرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).