أيوة أحنا الفلول ولموأخذة إلي بيقولوا عليها الثورة المضادة
هاتقولي إيه النظام؟ هقول لك ثورتنا لاهي بيضة ولا حمراه
ولاعلمنا بسيفين ولا لينا إئتلاف ولا نحب السياسة بالمرة
ولاأحنا حزب وطني ولا فينا آباطرة من شبرا ولاحتى من غمره
إحنا ياأصحاب الثورة الحمراه الأغلبية إلي بمزاجها صبراه وصامتة
أعدادنا بالملايين ولو مش مصدقين إسألوا الميدان
لوتنطق أرضه أسفلته والحيطان
هايقول حرام حرام حرام يتشتم ويتهان
إتقي الله في أخوك المصري يامصري لو كنت صحيح ليسه محسوب على البشرإنسان
مع إن إلي جابتك للدنيا بطن أمك ياعيل ياناكر أهلك وناسك
نهشته بسنانك مصبرتش ياسيد أمك حتى على قطع حبل خلاصك
قولنا لكم ياشباب معاكم مش عليكم لو صحيح نيتكم طيبة
بس إحترموا رأي إلي أكبر منكم وإلي بيتكلم عن خبرة وعن تجربة
ناديتم بالحرية وكله يعبر عن رأيه وهى دي مباديء ثورتكم وإلي قلتوا عليها ديمقراطية
لوكان مخالف في رأيه أوحتى راجل بسيط ليساه ماآخدشي شهادة من محو الأمية
وناديتم بالعدالة وحقوق إنسان في مصر عيني عليها زي ماقلتم متبهدلة
قلنا وماله معاكم نبني بلدنا على اسس دولة حرة ومتحضرة
ومحدش فوق القانون ولاحتى أنتم ياصحاب الثورة الحمراه إلي محنا عرفين قفاكم من وشوشكوا المتلونة؟
سيدنا النبي كان من البشر وماهو مش كلكم لمواخذة يعني ملايكة ولاحتى معصومين من الغلط وأبرياه؟
إتهمتونا بالفساد والخيانة لمجرد إننا أجيال على الأدب واحترام الرموز متربية
وقلتوا إطلعوا من البلد ياكلاب مبارك وعبيد كل الحكومات والأنظمة
وقسمتوا الشعب لقايمة عار وقايمة شرفاه مع إننا لاأخدنا من مبارك دولارات ولا حتى للنفاق أوسِمة
قلنا لكوا عيب تشتموه وتشوهوا صورته زى أى مواطن حتى لو مدان من حقه محاكمة عادِلة
لا عمرنا شجعنا الفساد ولا قلنا يحيا الظلم الإجتماعي
ولاعمرنا قبضنا رشوة وقلنا يِحرم علينا الشَريف ويحيا الحرامي
سيبوا القانون ياخد مجراه عشان تبان الحقايق ويبان البريء من الجاني
سبيتوا لنا الدين وقلتم إلي مش هيقول مننا وراكوا أمين يخرج من البلد
وإلي مش عجبه مننا كلامكم الباب أهوه مفتوح ويفوت جمل
ومن دخل دار الثورة فهو آمِن
ومن دخل داره فهو خائن
واللهي ماغار الإستبداد واللهي ماغيرتوا غير بس الأسامي
راح بإستبداده نظام سابق وحل محله ثورة شباب بأشد إستبداد من الأولاني
وتقولوا الشرعية من الميدان وإنتم بس تختاروا إلي إنتوا عاوزينه
وإلي مش هايمشي على مزاجكم هاتثوروا عليه ومن على الكرسي هاتروحوا قلبينه
وطلعتم في التليفزيون والشهرة نفختكم واشتغلتم في السياسة
أسمع كلامكم مش بشوف على الشاشة غير تهتهة وشوية تفافة
ويقول لك شعب مصر ومصر هما ميدان التحرير و إئتلاف شباب الثورة
ليه ياوالاه هو احنا لموأخذة مقطوع لساننا ومواطنين درجة تالتة ومتسجلين في الدين عورة؟
فرقتوا بين الناس وعملتم في البلد فتنة
والناس في الشارع لسانها إتعوج وكلامها أوسخ من نتانة بِركة
والفوضى والبلطجة عريت ستر باب بيتنا
فيه واحد إسمه عمرو واكد بيقولوا عليه ممثل
واللهي أنا كنت فاكراه سلومه بتاع كشك المعسل
ياعم عمرو نافق الثورة على كيفك إنت وغيرك
بس عند الفنانين الكبار اقول لك إستوب والكلام هنا ميبقاش على كيفك
خليك في حالك وربي ياعم عمرو من الفن أو غيره عيالك
مش عشان شوية شهرة تشتم في أساتذة في الفن سبقوك وهما في الفن اساتذة وأسيادك
ولتيسير فهمي بقول يامدام تيسير مثلتي كتير
الحزق الجامد مش حلو عشانك بيجيب بواسير
وقالوا لي إوعي تجيبي سيرة خالد النبوي لا من بِعيد ولامن قَريب
ده صاحب وائل غنيم ولو طالِك بلسانه مش هيحصل لِك طيب
ماشي ياعم خالد ده حبيبنا صاحب ثورة وائل قائدنا وسقفوا لووووووه
الثورة بتسانده ولاحد هايعانده لامن نظام سابق ولاحتى من فلولووووه
وإلي عجبه أغنية إرحل يعني إمشي إنت مبتفهمشي هاياكل فول بالقشطة أما الفلول راح ياكلوا سوسوووووووه
وسوسه سوسه سوسه كلنا كده عايزين سوسه وإلي هايبعد مـــ الميدان مش راح ياكل بسبوسة
حتى منتخب مصر الوطني خونوه وقالوا عليه من العهد البائت
دي مصر كلها بما فيها عيال الثورة سقفوا له من كام سنة فاتت
وسموه دلوقتي منتخب مبارك إيه الإفتراه ده ياعالم مين فينا إلي حقيقي ظالم ومنافق؟
غنوا يامنافقين الثورة وإهتفوا لهم بالحناجر والبوق
إنتم بيوتكم من إزاز متحدفوناش بقى بالطوب
وإوعى تنسى قدرة ربنا عليك لإنك في يوم لزماَ هتموت
أشرف لي تقولوا عليا مع سبق الإصرار والترصد خاينة وجارية وعبدة مبارك
ولاأعيش وأموت منافقة وحتى لو على حد قولكم كلبة بردو هندفن يامصر في ترابك
ياثورة شباب الإتلاف إتكلمتم بالنيابة عني ومن غير توكيل
وإتحكمتم في مصيري ومصير أهلي حسبي الله فيكم ونعم الوكيل
أيام الحكومة السابقة كانوا بيخرسوا الأصوات إلي ليهم في الرأى مخالفة
وإنتم أشد إستبداد ياإما معاكم ياإما ترهبونا بقطع للساننا
لبستوا توب الأبطال ولبستونا توب الخونة
عشان بس قلنا شوية صبر ربنا مخلقشي الدنيا في ثانية
وكام مرة هاتشتم تاني منكم وأتهان؟
والصورة دي واحدة من ظلم الإنسان لأخوه الإنسان
إضغط لتكبير الصورة والقراءة
نهشت عرضي وشرفي يابذيء ياسافل ياقليل الأدب
هتعيش حياتك من أصل واطي دنيء ولايسترك حتى في قبرك كفن
ولما تقابل وجه كريم على الجبين موصوم بشيطان في النار للأبد
لا عمرنا لبسنا ياخويا توب البطولة ولا أكفان أمواتنا عَلَم
ولاعندنا ياخويا قصور ولاحتى بيوت بنيناها من دهب في المريخ
ولاعمرنا كنا ملايكة وأبرياه إحنا بشر ونزلنا زيكم من بطن امنا بصريخ
سيدنا النبي ناداه بصوت عالي وبعد صوته يخرس اى صوت ولا يعلاش
يا معشر الناس إياكم وآذية وتخوين الناس
خافوا من عذاب ربنا ولا تحاكموش الناس على النية وعلى الإحساس
قال النبي إزاى بتصلوا كل يوم جمعة في الميدان؟
وبتقفوا بكل خشية وتواضع بين إيدين رب الكون القوي الرحمن
وبعد ختم الصلاة تطلقوا بصوت عالي الأحكام
وتصنفوا البشر إلي معاكم إنسان وإلي ليه رأي تاني حيوان
إنتم بتعصوا ربكم إلي كرم على كل المخلوقات مخلوق إسمه الإنسان
إتقوا الله وكفاية أعداء البلد جواه وبره متربصين وناويين على التخريب والعدوان
إحنا مش إستيراد بره إحنا إتولدنا على أرض مصر إلي ذكرها ربكم في القرآن
كفاية تجريح وتخوين وإهانة كفاية إتقوا الله وحرام
الأغلبية الصامتة مش صامتة عن مهاجمة التحريض
ليه فيه منكم بيهاجموا الجيش المصري أملنا في مصر الوحيد؟
ليه حرقة قلبي على عيالي ليه أدفن إبني بإيداياه وبعده أعيش و أبقى على إيديكم أم الشهيد؟
وهى دي الثورة المضادة ياأخواني إلي سموها الفلول
هنحب بعض حتى لو في الرأي إختلفنا ولاراح تطولنا من بره وجواه سنان الغول؟
ماحناش حيوانات مفترسة ياعالم ولا تتار ولا مغول
كفايانا بقى تناقض ونفاق وقلنا وقالوا وقال
ومصالح شخصية وشهرة وهمية وكل واحد يغني على ليلاه موال
عاوزين تشاركوا في حياة سياسية صحية؟
وماله بس سيبكم بقى من الأصوات الحنجرية العنترية الشبابية الأنانية
لو صحيح بتحبوا البلد ديياه بكل امانة
شغلوا الإنتاج وسيبوا العجلة تدور وأمور البلد في إيدين جيشنا الأسد محمية ومتصانه
لغاية مايسلم الراية لريس راجل إبن راجل ماجبتوش فيكي يامصر ولادة
يكون زى مايكون ويعدي بينا من بين سينان حيتان شرسة وفجعانة
واللهي التحريض والفتنة أخطر من حرب عالم تالتة على وحدة رايتنا
وإلي يدخل تحت عباية عمر عفيفي الله يخرب بيته راح يخرب بيتنا
بلاش تكونوا من أهل الغباء وتبقوا مجرد أدوات بيحركها أصحاب المصالح لغايتهم
ولما ينولوا المراد هاتكونوا أول ناس يغرسوا فيكم مخالبهم
وفي النهاية هختم بحديث النبي سيدي وحبيبي الغالي
وقبل ماتسعَد وداني بسماع قولك ياأحب ماربي هداني
لويارب إنت راضي عنا ومش غضبان علينا
طَوِل في عمري أشوفك يامصر بيوتك قصور عالية جميلة
متحوطة بحيتة من الجنة في كل شبر فيكي وفي كل مدينة
ولايبقى فيكي يامصر فقير ولاعابر سبيل محروم من نقطة مية وترزقه يارب بااللقمة الكريمة
واللهي يارب الدنيا فانية
والموت علينا حق وبيجي في ثانية
بس مين يتعظ بس مين بعقله يفكر
ماتزرعوش الشك فينا حرام تِخون في أخوك وتكَفَر
وحذاري 85 مليون مرة يابتوع المظاهرات ويابتوع الثورة
الجيش المصري أملنا الأخير ياويلكم من الشعب لو إتعديتوا خطوطه الحمراه
محدش من الشعب عليكم لا هايهنهن ولا يطبطب
إتلموا بقى وكفاية مليونيات وهتافات في الميدان بتبرطع
الشعب والجيش إيد واحدة راية علمنا نفتخر بيها ونرفعها
وإلي يشكك ولا يحرض ضد الجيش إيده بإذن االله الشعب يقطعها
اللهم أنت المنتقم الجبار ياقوي ياسميع على كل ظالم أنت لي معين
تنزل كل يوم من عرشك وعزتي وجلالي لأنصرنكي ولو بعد حين
في آخر الزمان يقول عليه أفضل الصلاة والسلام يأتي على الناس سنوات خداعه يصدق فيها الكاذب ويكذب فيها الصادق ويخون فيها الأمين ويؤتمن فيه الخائن صدق رسول الله
صعد رسول الله صلى الله عليه وسلم المنبر فنادى بصوت رفيع فقال يا معشر من قد أسلم بلسانه ولم يفض الإيمان إلى قلبه لا تؤذوا المسلمين ولا تعيروهم ولا تتبعوا عوراتهم ،فإنه من تتبع عورة أخيه المسلم تتبع الله عورته ومن تتبع الله عورته يفضحه ولو في جوف رحله
قال رسول الله إن المفلس من أمتي يأتي يوم القيامة بصلاة وصيام وزكاة ويأتي قد شتم هذا وقذف هذا وأكل مال هذا وسفك دم هذا وضرب هذا فيعطى هذا من حسناته وهذا من حسناته فإن فنيت حسناته قبل أن يقضى ما عليه أخذ من خطاياهم فطرحت عليه ثم طرح في النار
صدقت يارسول الله ياحبيبي
أيوة أحنا الفلول ولموأخذة إلي بيقولوا عليها الثورة المضادة
أعدادنا بالملايين ولو مش مصدقين إسألوا الميدان
مع إن إلي جابتك للدنيا بطن أمك ياعيل ياناكر أهلك وناسك
ناديتم بالحرية وكله يعبر عن رأيه وهى دي مباديء ثورتكم وإلي قلتوا عليها ديمقراطية
إتهمتونا بالفساد والخيانة لمجرد إننا أجيال على الأدب واحترام الرموز متربية
إضغط لتكبير الصورة والقراءة
