حركة أو حزب .. كلنا هننزل كمصريين بغض النظر عن أي اختلافات دينية أو تعليمية أو اجتماعية بيننا .. لأننا كلنا مش طايقين ميدان
التحرير ولا الرعاع اللى فيه .. ومش قادرين ابدا نستحمل تانى بعد ما فاض بينا الكيل خلاص وطفح منهم ..
وخصوصا بعد ان ظهرت حقيقتهم .. بعد نتيجة الأستفتاء والتى عبرت عن رأى الشعب ورأى الأغلبية الصامته .. لنفوجئ جميعا بوابل
من التحقير والتنكير والتسخيف والتسفيه لنا او للشعب ووصفوننا بأننا مرضى نفسيين وبأننا الأغلبية ولكننا أغلبية غير فعالة وبأننا
الجهلاء والأميين بينما كل من قالوا لا هم صفوة المجتمع وهم حملة الشهادات الجامعية .. وذلك بعد ان فرضوا وصايتهم علينا وكانوا
يتحدثون بأسمنا ويتبنون مطالبنا ويعبرون عننا وعن احلامنا وتحملوا كثيرا لأجلنا .. وضحوا بأنفسهم فداء لنا فنحن همهم الأول
والأخير .. فكل ذلك راحهباء.
فقط :- فى تلك اللحظة التى حتمت عليهم خلع الأقنعة .. والظهور بوجوههم الحقيقية .. (لحظة ظهور النتيجة بنعم)
.. كما اننا مجتمعين كلنا على الرغبة فى اجهاض نكسة 25 خساير .. وعلى اعادة الرئيس مبارك .. واعادة جهاز امن الدولة ..
واعادة الشرطة الى الشارع .. ومحاكمة كل من ظهرت وجوههم الحقيقية وظهروا على اصلهم وعلى حقيقتهم محاكمة عسكرية
وبتهمة الخيانه العظمى واثارة وتحريض الرأى العام .. واسقاط حكومة شرف واعادة حكومة شفيق .. او انتقاء اى حكومة يتقبلها
ويتفق عليها اغلب الشعب .. وكف الأيادى الخارجية عن العبث بأراضينا واللعب فى شئوننا الداخلية ..وغيرها من مطالبنا ولكن ليس
مكانها هنا فى هذا الموضوع.
ولطالما انهم اثبتوا لنا بجدارة ان القوة الحقيقية والفعلية و(الشرعية) تكمن دائما ابدا .. فى الشارع وبيد الشعب .. فعلينا ان نشكرهم
على هذا الدرس العظيم الذى تعلمناه على يديهم .. وسنواجههم بنفس سلاحهم .. وسنكشف لهم الحقيقة التى لم يريدوا األأعتراف بها
.. سنثبت لهم اننا الأغلبية وسنكشف لهم عن جم غضبنا ومدى فعاليتنا فى المجتمع .. وسنكشف لهم ايضا عن مدى وعينا بما يدور
حولنا .. لينقلب بذلك السحر على الساحر.
فقد اصبح افضل علاج نفسى لهم .. هو العلاج (بالصدمة) .. او بأننا نورينهم ما لم يريدوا ان يروه وان نثبت ونؤكد لهم ما لم يريدوا
ان يصدقوا بوجوده.
هؤلاء داهمهم الغرور اللذى كاد ان يقتلهم .. وكاد ان يفتك بنا وبوطننا العزيز .. ولكن قاتل الله الغرور.
ولكن اتمنى منكم .. اتمنى من كل مصرى شريف .. الا يبخل والا ينأى بنفسه عن الخروج فى هذا اليوم .. هذا اكثر يوم نحتاج لأن
نتسم فيه بالأيجابية ولا بالسلبية. خروجك معنا سيدعمنا سيساهم معنا كثيرا وسيقوى من موقفنا جدا.
واليكم الآن بعض الأفكار المقترحة لنشر دعوة يوم 25 ابريل:-
[1]
نشر الدعوات الخاصة بالإيفنت على الفيس بوك
عنوان الإيفنت: مش هنسيبها فوضى
احتفالية عيد تحرير سيناء 25 ابريل
معا للأحتفال بعيد تحرير سيناء
[2]
نشر الصفحات التالى ذكرها بين المصريين كلهم عشان نقدر نتابع مع بعض اللي بيحصل
عنوان الصفحة: أنا أسف ياريس
ائتلاف فى حب مبارك
احتفالية عيد تحرير سيناء 25 ابريل
مصر تريد ابقاء الرئيس
اتحاد صفحات محبي الرئيس مبارك
ستظل فى القلوب يا مبارك
[3]
المشاركة في حملة مليون رسالة قصيرة عن طريق الموبايل
تفاصيل الحملة والرسائل المقترحة هنا: حملة لرسائل الموبايل لنشر دعوة الخروج ليوم 25 ابريل | ثورة اسقاط نظام أم ثورة اسقاط دولة؟
[4]
تغيير صورة البروفايل بتاعتك لصورة أنا نازل يوم 25 ابريل
مكان الصورة على الفيس بوك: انتفاضة 25 ابريل | ثورة اسقاط نظام أم ثورة اسقاط دولة؟
[5]
طباعة ورقة بتدعو المصريين كلهم للمشاركة وتعليقها في الجوامع والمدارس والجامعات والبيوت ويجب ان تكون
الصورة بجودة عالية:
[6]
عمل شير ولايك لأي فيديوهات أو صور بتنزل على الصفحات السابق ذكرها لتحميس الناس لأن ده بيخلي شريحة الناس اللي بتشوف الفيديوهات والصور دي أكتر بكتير حتى اللي مش مشتركين في الصفحات دى وده معناه إن صوتنا يكون أعلى.
[7]
الاتصال بخمسة من الأصدقاء على الأقل وتحميسهم للمشاركة وللنزول والإيجابية
[8]
التواصل مع وسائل الإعلام أو الشخصيات المعروفة لمساندة فكرة اليوم ونشره بين الناس
حتى وان احتاج ذلك الى نوع من المكر والتحايل.
بقلم
مجموعة من شباب مصري يحاول فهم الحقيقة وتوصيلها لمن يريد خير لهذا البلد
11 comments:
هل لى فى أرسال بعد الوثائق والتحليلات الخاصة بهذه النكسة هنا لنشرها؟
تسلمي يا فيدال علي الموصوع الرائع
تحيا مصر:((
شكرا جدا لك يا تامر .. بس يا رب يوفقنا وننجح بقى المرة دى .. خلاص مصر بتضيع بحق وحقيقى مننا .. نفسى اوى نعمل حاجة حقيقية وقوية.
على فكرة .. انا بتجينى تعليقات على البوست بتاع المقالة دى اللى انا نشرته على صفحتى على الفيس .. من انصار الثورة .. بيعايرونى .. وبيقولولى محدش هينزل ولو حصل اكيد هيبقوا 16 واحد زى يوم مصطفى محمود.
والله العظيم بيقولولى كده.
نفسى اوى ربنا ينصرنا.
ان شاء الله هننجح يا فيدال...
خلاص الشعب عرف العيال دي علي حقيقتهم
وماينفعشي يسكت تاني
وشكرا لكي علي مجهودك في المدونة...ربنا يحميكي
اتقوا الله تاريخ مصر يبدأ في يوم اسقاط نظام الاستبداد والظلم نظام الريس المخلوع مبارك والثورة فو ق الجميع انتم تدافعون عن دولة فساد واستبداد دم 384 شهيد مش حيروح هذر وعمر اللي بيتخلع يرجع تاني اما عن احداث الزمالك فدي اكيد شغل اتباع النظام وطبعا مش اول مرة يحاول النظام المخلوع اثارة الفوضي بس الوعي برضه موجود ودي كله معروف ورائه مين مين اللي كان بيعد نفسه علشان يبقي الريس ومش قادر يعيش في الوضع الجديد كفاية مؤامرات الناس صحيت وفاقت والفساد يوم عن يوم بينكشف تكريم ايه دي حيتحاكم يمكن حتكرموه في لومان طره
يبدو انك لا تدرى ماذا تصنع بتلك الحملة ،، أنت تدعو للخروج على القوات المسلحة ، والحكومة الحالية ، أنت تقوم بعمل انقلاب على النظام الحالى ، اتقى الله .
الاخ العبد الفقير
من هو اللي عمل انقلاب
الذين دفعوا البلد للفوضي والتخريب؟؟
والخروج عن الشرعية
ام الناس اللي عايزة تطهر البلد منكم ومن امثالك
شوية رعاع ومعتوهين ولا تدرون الي اين تاخذون الوطن
الى العبد الفقير ودارين:-
كم يسعدنى ويسرنى للغاية ان ارى تعليقاتكم هذة.
لأن معناها كبير جدا.
معناها اننا فعلا ناجحين .. وناجحين جدا جدا كمان.
وعللشان كده انتوا خائفين ومرعوبيين جدا جدا.
وخوفكم ده معناه ان على رأسكم بطحة.
ومعناه كمان انكم عارفين قدركم وحجمكم الحقيقى بيننا وانكم لا تمثلون الشعب ولا تمثلون غير انفسكم .. لذلك اتوا خائفين ومرتعدين من هذة الدعوة.
والأهم من كده وكده .. ان ده معناه ان أخيرا صوتنا وصل وبقى عااااااااااالى ومسموع للجمييع .. وهذا اهم ما كنا دائما نسعى اليه .. والحمد لله تحقق.
اكررها من جديد .. هذا معناه اننا نجحنا فعلا .. والحمد لله .. وشكرا.
الى العبد الفقير:-
بقى احنا دلوقتى اللى بندعى للأنقلاب على القوات الحاكم والقوات المسلحة.. امممممم.
امال اللى انتوا عملتوه يوم 25 يناير والدعوة لليوم ده .. كان ايه ؟ .. وكان ليه ؟ وما هدفه؟ .. ما دعوتوش للخروج والأنقلاب على الحاكم (مبارك) .. ولا احنا بنتكلم عن بلد تانية ولا ايه؟ .. مش فاهمة.
وكمان احنا دلوقتى اللى بندعو للأنقلاب على القوات المسلحة .. امال خروجكم يوم الجمعة اللى فاتت ده كان ليه برضه بقى ان شاء الله .. فسحة .. مش انتوا برضه اللى قعدتوا تقولوا الدور عليك يا مشير .. وتنادوا برحيل المشير .. وتنادوا بتنحى المجلس الأعلى للقوات المسلحة عن حكم البلاد .. وتسليم السلطة لمجلس رئاسى يرأسه (البرادعى).
ولا يمكن احنا اللى قولنا كده برضه؟.
صحيح .. تكلم الفلتانه تلهيك واللى فيها تجيبه فيك.
حقا كما قال تعالى .. َتشَابَهَتْ قُلُوبُهُمْ قَدْ بَيَّنَّا الآيَاتِ لِقَوْمٍ يُوقِنُونَ .. دائما الاتباع لا يستمعون الا لأسيادهم ، ولا يستمعون للحق ولا يعقلونه . تحتاجون لمعلم ليشرح لكم معنى التعليقات ومغزى محتواها ، وصاحب المدونة يحتاج كثير من التعلم كى يرد على زوار مدونته باسلوب به نوع من الأدب . واعتذر لنفسى لانى قمت بالتعليق هنا . اعْمَلُوا مَا شِئْتُمْ إِنَّهُ بِمَا تَعْمَلُونَ بَصِيرٌ ..
إرسال تعليق
جميع الردود تعبّر عن رأي كاتبيها فقط. حريّة النقد والرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).